ਹੱਥ ਲਿਖਤ ਨੰਬਰ 144

ਕਿੱਸਾ ਮਿਰਜ਼ਾ ਸਾਹਿਬਾਂ
ਲੇਖਕ : ਸਰਜੂ ਰਾਮ, ਨਿਰਮਲਾ।
ਵੇਰਵਾ : ਸਫ਼ੇ ੧੮੮; ਸਿਆਹੀ ਕਾਲੀ ਮੱਧਮ; ਲਿਖਤ ਸਿੱਧੀ ਸਾਦੀ, ਪਰ ਸ਼ਿਕਸਤਾ ਜੋ ਕਿਤੇ ਕਿਤੇ ਅਸ਼ੁੱਧ ਹੈ; ਕਾਗ਼ਜ਼ ਮੋਟਾ ਦੇਸੀ, ਛੰਦਾਂ ਦੇ ਨਾਮ ਤੇ ਹੋਰ ਛੋਟੇ ਮੋਟੇ ਸਿਰਲੇਖ ਮੱਧਮ ਲਾਲ ਸਿਆਹੀ ਨਾਲ ਲਿਖੇ ਹੋਏ ਆਖਰੀ ਪੱਤਰੇ ਸਫਾ ੧੪੯ ਤੋਂ ੧੮੮ ਤਕ ਵਿਲਾਇਤੀ ਖਾਕੀ ਕਾਗ਼ਜ਼ ਤੇ ਲਿਖੇ ਹੋਏ; ਅੰਤਲੇ ਪੱਤਰੇ ਸਫਾ ੧੮੮
ਤੋਂ ਅੱਗੇ ਗੁੰਮ ਹਨ, ਜਿਸ ਕਰਕੇ ਪੁਸਤਕ ਅਧੂਰੀ ਹੈ।
ਸਮਾਂ : ਲਿਖਤ ੭੫ ਸਾਲਾਂ ਤੋਂ ਵੱਧ ਪੁਰਾਣੀ ਨਹੀਂ ਹੈ।
ਲਿਖਾਰੀ : ਨਾਮਾਲੂਮ ।
ਆਰੰਭ : ਹਰਿ ਕੇ ਹਾਥ ਨਿਰਬਾਹ॥ ਚੌਬੇਲਾ॥
ਕੋਈ ਮਾਂਗੇ ਅੰਨ ਧਨ ਲੱਛਮੀ, ਕੋਈ ਰਹਿਣਾ ਚਾਹੇ ਬਾਜ਼ਾਰ।
ਕੋਈ ਕੋਈ ਮਾਂਗੇ ਪੜ੍ਹਨਾ ਇਲਮ ਕਾ, ਕਰਨੇ ਕੋ ਰੁਜਗਾਰ ।
ਅੰਤ : ਤੇਰੇ ਬਾਪ ਤਾਈਂ ਏਹ ਚੋਰ ਤਾਂ ਬਣਾਉਂਦਾ ਹੈ,
ਆਖਦਾ ਹੈ ਉਹਨੇ ਮੇਰਾ….।
ਇਹ ਕਿੱਸਾ ਕਬਿੱਤਾਂ ਵਿਚ ਹੈ ਤੇ ਇਕ ਦੋ ਵੇਰ ਲਾਹੌਰ ਤੇ ਅੰਮ੍ਰਿਤਸਰੋਂ ਗੁਰਮੁਖੀ ਅੱਖਰਾਂ ਵਿਚ ਛਪ ਵੀ ਚੁੱਕਾ ਹੈ।